Na Ron Cantor.
 |
| Baadhi ya makombora yaliorushwa kutoka Gaza kuelekea ardhi ya Israel. ©Amir Cohen/Reuters |
Kufuatia mashambulizi hayo, Israel haikuwa na budi kurejesha mashambulizi, na katika kufanya hivyo, Wapalestina zaidi ya 600 wameuawa, taarifa zinaeleza kwamba karibia asilimia 80 hawakuwa wapiganaji. Lakini takwimu hizi zinatoka kwa Hamas, kundi ambalo linatia shaka kwenye usahihi wa taarifa zao - kwa sifa yao ya ugaidi, pamoja na propaganda zao kuliko ukweli. Lakini pamoja na hayo, yatupasa kujiuliza, nani wa kulaumiwa kutokana na vifo hivi vya raia?
Mahmoud Abbas, Rais wa mamlaka ya Palestina, ameituhumu Israel kwa mauaji ya halaiki. Rais wa Uturuki naye akasema kuwa ukatili wa Israel umekithiri kuliko ule wa Adolf Hitler. Katibu Mkuu wa Umoja wa Mataifa, Ban Ki Moon amelaumu mashambulizi ye Israel na kuyaita mabaya kuliko. Na pia John Kerry ameripotiwa kukebehi mashambulizi haya, pale ambapo alidhani kipaza sauti chake kimezimwa, kabla ya mahojiano kwenye kituo cha TV cha Fox.
Pamoja na yote hayo, binadamu yeyote mwenye kuzungumza ukweli atatambua ya kwamba lawama zote zinastahili kuelekezwa kwa aliyeanzisha mgogoro huu, Hamas.
 |
| Watoto hawa wanastahili kumlaumu nani? ©Finbarr O'Reilly/Reuters |
1. Hamas wanatumia wanawake na watoto kama ngao
Kuna ushahidi wa kutosha kwamba Hamas wanazungushia silaha zao maeneo ya watoto. Huu si utu kabisa. Nia zao hapa ni mbili, kwanza kuzuia mashambulizi ya Israeli dhidi yao, na pili; iwapo Israeli watashambulia, basi Hamas waweze kutembeza miili ya watoto mitaani.
Kuna kipindi nilimsikia mshauri wa Abbas akisema kwenye kituo cha runinga cha CNN kwamba hakuna mama yeyote anayeweza kumruhusu mtoto wake kutumiwa namna hii. Lakini ni kina mama hao hao ambao huenda kwenye vituo vya runinga wakimsifu Allah kuwa watoto wao wamejitoa mhanga. Ni kina mama hao hao ambao hugawa pipi mtaani wakati Waisraeli wanapouawa na kufurahia habari ya mauaji ya vijana watatu wa Kiisraeli
Tofauti kati yetu nao ni moja, sisi tunatumia silaha zetu kulinda wananchi wetu, wao wanatumia famlia zao kulinda silaha zao. Anaeleza Benjamin Netanyahu, waziri mkuu wa Israel.
2. Hamas wanaficha silaha zao kwenye makazi ya watu
Wiki hii pekee, makombora zaidi ya 20 yalipatikana kwenye shule ambayo inafadhiliwa na Umoja wa Mataifa. Israel inaojua haya, inaacha kama yailvyo pamoja na kujua maeneo yalipo ili yaje kutumika dhidi yake?
Na, UN hivi karibuni baada ya kutambua kuhusu uwepo wa makombora hayo, ikayakabidhi kwa polisi wa Gaza chini ya Hamas, yaani wameyakabidhi ili yaweze kutumika dhidi ya taifa la Israel, Bwana Ban Ki Moon, hiyo ni mbaya kuliko.
Vifaru vya jeshi la wananchi wa Israeli vilipopiga hospitali na kupelekea kuwa na vifo na majeruhi kwa wananchi, ilitokana na Hamas kuficha silaha zao za kushambulia vifaru kando tu ya hospitali hiyo. Silaha hizo tayari zimeshaua askari kadhaa wa Kiisraeli. Na Hamas wameamua kufanya hivyo kwa makusudi kana kwamba wameiwekea Israeli chambo ipate kunasa kwenye mtego wa kulipua hospitali.
"Licha ya kwamba Jeshi la Israeli linachukua hatua stakihi kupunguza vifo vya wananchi wasio na hatia, Hamas kwa makusudi wamehamishia shughulizi zao za ugaidi kwenye makazi ya watu, wanahusika moja kwa moja." Anaeleza msemaji wa Jeshi la Israeli"
lakini tuwe wakweli tu, kuna tofauti kubwa kati ya mashambulizi ya pande hizi mbili, ambapo Israel wanalenga kupunguza nguvu ya mashambulizi kutoka Hamas. Ila kwa upande wa Hamaa, wanachofanya ni kushambulia raia wa Israeli - japo hawako vizuri, maana kati ya zaidi ya makombora 2000 yaliyolengwa kwenye ardhi ya Israeli ndani ya wiki mbili, kumeripotiwa kifo cha mtu mmoja tu.
3. Wapalalestina wasio na hatia walichagua kuongozwa na Hamas
Mnamo mwaka 2006 wakati Israeli iliondoka Gaza na kutarajia amani, wakaziw a Gaza waliamua kuiweka Hamas madarakani. Sasa hapa naelewa kwamba hii ilitokana na sababu kwamba Mamlaka ya Wapalestina ilikuwa (na hata sasa) imekithiri rushwa, na wanasiasa wake walikuwa wakijinufaisha kwa misaada kutoka Marekani, Umoja wa Mataifa, na hata Ulaya. Lakini licha ya hivyo wakaamua kuezeka utawala wa kigaidi ambao utaongoza kiislamu na kutoa kafara vijana na mabinti wake kwa mawazo machache tu kama vile mtu ameamua kwenda kununua sabuni ya mche.
4. Wapalestina wasio na hatia hawathubutu kusimama dhidi ya Hamas ili wasirushe makombora kwenye mikusanyiko ya Israeli
Mfumo huu wa ugaidi ulianza takriban miaka 10 iliyopita, na Hamas badi wanandelea kutaala Gaza. Hakuna aliyesimama dhidi yao. Hii ni mara ya tatu ndani ya miaka 5 wamealika mashambulizi kutoka Israeli, kutokana na makombora yao yasiyo na hatamu. Na hivi majuzi baada ya wakazi wa Gaza takriban 600 kufariki, huenda wangesema inatosha. Lakini Hamas wakatangaza kwamba wamemkamata mateka askari mmoja wa Israeli. Mithili ya mbwa aliyekosa mwelekeo baada ya kitenesi kuchezeshwa machoni pake - ndivyo ambavyo Wahamas wakaingia mtaani kusheherekea utekaji huo (licha ya kutothibitishwa kipindi hicho).
5. Hamas wana mahandaki yanayotokezea kwenye nyumba za wananchi na misikiti
kama ambavyo imeripotia hivi karibuni na gazeti 'The Times of Israel', kumepatikana njia za chini ya ardhi kwenye makazi ya watu na misikiti, kwa mujibu wa Jeshi la Israel.
Mengi yamefanyika kutokana na kile kinachoitwa kuwa ni mauaji ya halaiki kwa wanawake na watoto. Lakini jambo moja ambao halielezwi kwa umma, ni kwamba kumekuwa na maeneo lengwa zaidi ya 100, ikiwemo misikiti miwili ambayo imetumika kama kambi za Hamas ikiwemo kuhifahi silaha, (timesofisrael) imeeleza.
Pamoja na hayo, Jeshi la Israeli lilitoa tahadhari kwa wananchi wa Gaza kuondoka maeneo ambayo wapo kabla jeshi hilo halijaingia. hivi Marekani na Uingereza ziliarifu wakazi wa Berlin, Ujerumani (miaka ya 40) kabla ya kuangusha tani 70,000 za mabomu? La hasha! wakazi wa Berlin hawakuonywa kuhusu ujio wa mashambulizi, na wala hawakusubria kupigiwa simu ama kupewa vipeperushi kuhusu kiama kilichokuwa mbele yao. Takriban watu milioni moja na laki saba waliukimbia mji. Huku Gaza ni kinyume chake, kwani Hamas wanahamasisha wakazi waendelee kuwepo - ili wafe.
Na kwenye shambulizi la mabomu hayo ya tani elfu 70 dhidi ya Berlin, hakuna aliyeilaumu Marekani na Uingereza, kwa maelezo kwamba walikuwa wanajitetea. Ndivyo pia basi ilivyo kwa Israeli, kwani wapo Gaza kwa ajili ya kuharibu mahandaki na njia za chini ya ardhi ambazo Hamas wanazitumia kuishambulia Israel.
6. Hamas wanafurahia vifo vya wananchi wa kawaida
Hili ni jambo ambalo haswa wao ndo walikuwa wanalitaka. Amewahi kusema Waziri Mkuu wa Israel, Benjamin Netanyahu. "Hii ni vita yenye ukatili zaidi na iliyo mbaya ambayo nimewahi kuona, sio tu kwamba Hamas wanawalenga wananchi wa Israeli na kujificha nyuma ya wananchi wao, lengo lao ni kuona vifo vingi vya wananchi vikitokea" ili vyombo vya habari vionyeshe kwa lengo la kuonewa huruma kutoka na dunia nzima.
Wakati Israel inataka kuepusha vifo vya Wapalestina, Hamas wanataka wafe, na kadri ya wingi wa mauti, ndiyo furaha yao inazidi. Huu ndio mkakati wao. Wakati makamanda wa Hamas wamejificha kwenye mahandaki, wanashangilia kwa kadri wanavyosikia kuwa kuna wananchi wao wameuwawa kutokna na mkakati wao. Na hilo linaonekana kuwa kama mashine ya uendeshaji mtambo wa propaganda zao.
Hivyo basi jiulize, NANI KWELI WA KULAUMIWA?
Makala hii imenukuliwa kutoka Charisma News, na kuchapwa upya kwa lugha ya Kiswahili hapa GK.
Kuhusu Mwandishi;
Ron Cantor ni mhariri wa Messiah's Mandate International, nchini Israel. Huduma inayolenfa kueneza ujumbe wa Yesu kutoka Israeli kwenda mwisho wa nchi (Matendo ya Mitume 1:8) Bwana Canto pia husafiri nchi mbalimbali akifundisha kuhusu asili ya Wayahudi kutoka agano jipya. Pamoja na hayo, pia huhudumu kwenye kundi la wachungaji la Tiferet Yeshua, kusanyiko la wazungumzaji wa Kiebrania Tel Aviv. Kitbau chake cha hivi karibuni kuchapishwa kinafahamika kama Identity Theft. Unaweza kumfuatilia kwenye mtandao wa Twitter kupitia @RonSCantor
