Na Mwandishi wetu.
Mwimbaji nguli mwenye sifa ya kupiga 'live' muziki wa Injili Afrika Mashariki na Kati, John Lisu anatarajia kuzindua albamu yake ya Uko Hapa-The Sound of Worship Oktoba 5 mwaka huu.
Kwa mujibu wa Lisu uzinduzi wa albamu hiyo yenye nyimbo 18 unatarajia kufanyika kwenye Ukumbi wa Diamond Jubilee jijini Dar es Salaam akisindikizwa na waimbaji mbalimbali wakiwemo kutoka nje ya Tanzania.
Kwa mujibu wa Lisu uzinduzi wa albamu hiyo yenye nyimbo 18 unatarajia kufanyika kwenye Ukumbi wa Diamond Jubilee jijini Dar es Salaam akisindikizwa na waimbaji mbalimbali wakiwemo kutoka nje ya Tanzania.
 |
| John Lisu |
Lisu alitumia fursa hiyo kuwaomba waamini mbalimbali kujitokeza kushuhudia uzinduzi huo ambako ataimba nyimbo mbalimbali akisindikizwa na waimbaji mbalimbali wa Tanzania.
Alizitaja nyimbo zilizomo kwenye albamu hiyo ambayo imegawanyika katika maeneo mawili, 'part one' ina nyimbo za Wakusifiwa, Wastahili sifa, Mataifa ya kujua, inuka, Uko Hapa, Nijaze, Nitaongozwa, Wastahili bwana, Roho Mtakatifu, Mtakatifu na umeinuliwa.
Part two kuna nyimbo za Yu hai Jehova, Atikisa, Nijaze, Upendo, Mataifa yakujue, Umejawa na Ukuu, Fungua Macho, Haleluya na Mungu Ibariki ambazo ni moto wa kuotea mbali katika tasnia ya muziki huo hapa nchini.
Uzinduzi huo wa albamu hiyo ya tatu umedhaminiwa na kampuni ya Msama Promotions inayoongozwa na Mkurugenzi wake Alex Msama.
