COSTA Rica imeifunga Italia 1-0 katika mchezo wa kombe la dunia wa kundi D, matokeo ambayo yanaing'oa moja kwa moja England kwenye michuano hiyo inayofanyika nchini Brazil.
Kwa matokeo hayo Costa Rica inavuka kwenda hatua ya 16 bora huku Uruguay na Italia zenye pointi 3 kila moja zikigombea nafasi ya kuungana na Costa Rica.
Hata ikishinda mchezo wake wa mwisho, Engaland yenye pointi sifuri itafikisha pointi 3 ambazo hazitatosha kuwapa nafasi ya pili.
Bao la Costa Rica limefungwa na mshambuliaji wa Fulham ya England, Bryan Ruiz dakika ya 44.
