LOUIS Van Gaal amefichua kuwa kocha wa Chelsea Jose Mourinho amempongeza mara baada ya kutajwa kuwa kocha mpya wa Manchester United.
Lakini Kocha huyo mwenye umri wa miaka 62 akasema Mourinho anaona wivu kwa orodha ya timu alizofundisha – Barcelona, Bayern Munich, Ajax, Holland na sasa Manchester United.
Van Gaal alisema: "Mourinho alinipongeza. Alikuwa mtu wa kwanza mimi kumwandikia na yeye alikuwa wa kwanza kunijibu. Akaniambia anaona wivu kwa timu nilizopitia.
"Sikuwahi kubisha hodi Bayern Munich wala Manchester United, mara zote ni wao walionifuta. Najisikia fahari kwa hilo," alijigamba Van Gaal.
Mourinho na Van Gaal ni marafiki wa muda mrefu na wamewahi kufanya kazi pamoja Barcelona mwaka 1997-98.
Van Gaal pia amefichua kuwa katika mazungumzo yake na Manchester United, hakuzungumzia zaidi maslahi, bali alizungumzia aina ya wachezaji anaotaka wasajiliwe.
"Ni jambo la kusubiri kuona kama tutawapata wachezaji niliowaorodhesha," alisema.
