Waziri Mkuu Wa zamani Edward Lowassa anatarajia kwenda makao makuu ya chama cha Mapinduzi maarufu kama White House mkoani Dodoma june 3 akisindikizwa na maelfu ya wananchi.
Kwa mujibu wa Mnyetishaji wetu aliyezungumza na mtandao huu, amearifu kuwa wakazi wa Manispaa ya Dodoma watakwenda kumpokea Mbunge wa Monduli Edward katika wilaya ya Manyoni akitokea mkoani Arusha kwenda mkoani Dodoma kuchukua fomu ya kugombea Urais kwa tiketi ya chama cha Mapinduzi (CCM).
Aidha, wagombea wote wanaotaka kuwania urais kupitia chama cha Mapinduzi wanatakiwa kuchukua fomu ifikapo tarehe 3/6/2015 na kurudisha 2/7/2015. Kutafuta wadhamini mikoani ni 3/6/2015 hadi 2/7/2015.
Kamati ya usalama na maadili itakutana 8/7/2015 ikifuatiwa na kamati ya Halmashauri kuu ya Taifa 9/7/2015. Uteuzi wa wagombea urais utafanyika Zanzibar tarehe 10/7/2015 ukifuatiwa na mkutano mkuu Taifa wa tarehe 11-12/7/2015.
